Þreytist ekki gott að gjöra.

Drottinn er nálægur þeim sem hafa sundurmarið hjarta, hann hjálpar þeim sem hafa sundurkraminn anda.

Allt megna ég fyrir hjálp hans sem mig styrkan gerir.

Því að laun syndarinnar er dauði en náðargjöf Guðs er eilíft líf í Kristi Jesú, Drottni vorum.

Skapa í mér hreint hjarta, ó Guð, og veit mér nýjan, stöðugan anda.

Varpið allri áhyggju ykkar á hann því að hann ber umhyggju fyrir ykkur.

Lofaður sé Guð er hvorki vísaði bæn minni á bug né tók frá mér miskunn sína.

Sælir eru friðflytjendur, því að þeir munu Guðs börn kallaðir verða.

Verið góðviljuð hvert við annað, miskunnsöm, fús til að fyrirgefa hvert öðru eins og Guð hefur í Kristi fyrirgefið ykkur

Þetta er mitt boðorð, að þér elskið hvert annað eins og ég hef elskað yður.

Því segi ég yður: Verið ekki áhyggjufull um líf yðar, hvað þér eigið að eta eða drekka né heldur um líkama yðar, hverju þér eigið að klæðast. Er lífið ekki meira en fæðan og líkaminn meira en klæðin?