Logó kóranna – Þarna í hringnum má sjá útlínur kirknanna í Mosfellsbæ, sem eru settar fram í fimm línum nótnastrengsins.

Kórskóli Lágafellsskirkju hefst mánudaginn 12. október

Kóræfingar fara fram á mánudögum í húsnæði Safnaðarhemilis Lágafellsóknar að Þverholti 3, 2. hæð.

Ungdómskór Lágafellskirkju kl: 15:00 – 16:15 (fyrir 10 – 14 ára, 5. – 8. bekkur)

Barnakór Lágafellskirkju kl: 16:30 – 17:30 (fyrir 7 – 9 ára, 2. – 4. bekkur)

Í Kórskóla Lágafellskirkju er boðið upp á faglegt söngstarf fyrir söngvara í barnakór 7 – 9 ára (2. – 4. bekkur)
og ungdómskór fyrir 10 – 14 ára (5. – 8. bekkur).

Nauðsynlegt er að skrá þátttakendur en skráning fer fram rafrænt HÉR!

Ef upplýsingar vantar þá er best að hafa samband við Þórdísi Sævarsdóttir, kórstjóra í netfangið: korskoli@lagafellskirkja.is eða í síma: 864 2348.

Gjald fyrir hvora önn:
Haustönn 2020: 6.000 kr.
Vorönn 2021: 10.000 kr.
Hægt er að sækja um frístundaávísun fyrir kórastarfið hjá Mosfellsbæ inn á ibúagáttinni.

Á dagskrá vetrar er auk æfinga og þátttöku í starfi Lágafellskirkju vinakóramót fyrir yngri og eldri hópa og þátttaka á landsmóti Barna- og ungdómskóra á Stokkseyri í apríl 2021 fyrir eldri hóp. Einnig höldum við sérstaka skemmtihittinga á hvorri önn fyrir báða kórhópa.

Nánar um kórstjórann:

Þórdís Sævarsdóttir, kórstjóri Barna- og ungdómskórs Lágafellskirkju

Þórdís Sævarsdóttir hefur starfað sem kórstjóri, söngkona og tónmenntakennari um árabil og er að auki verkefnastjóri með MA í Menningarstjórnun frá 2016.
Þórdís Sævars hefur starfað sem kórstjóri með barna-, ungdóms- og kvennakóra auk þess að vera viðburða- og verkefnastjóri við fjölda tónleika, kóramóta, lista- og fjölmenningarhátíða.

Með Þórdísi til stuðnings verður Þórður Sigurðsson, organistinn okkar sem spilar undir.