Unnið er að afmælisriti um Lágafellskirkju, sem átti 120 ára afmæli fyrr á þessu ári. Í því sambandi er leitað að gömlum myndum af kirkjunni og innan úr henni, ekki síst frá því fyrir árið 1956 þegar hún var stækkuð.

Vafalaust hafa slíkar myndir, ef til eru, verið teknar við athafnir í kirkjunni, svo sem skírn, fermingu, brúðkaup eða jarðarför, og gætu því leynst í myndasöfnum viðkomandi fjölskyldna. Það væri umsjármönnum hins fyrirhugaða afmælisrits mikill akkur ef myndir af þessu tagi fyndust og leyfð yrðu afnot af þeim í þessu samhengi.

Vinsamlega hafið samband við: Birgi D. Sveinsson í síma 566 6174, netfang: Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.   eða Sigurð Hreiðar í síma 566 6272, netfang: Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.

Í tilefni af 120 ára vígsluafmælis Lágafellskirkju var haldin afmælisvika 22. febrúar til 1. mars. Á þessari síðu getur að líta auglýsingar um afmælisdagskrána.  Fjölmargir einstaklingar tóku þátt bæði við undirbúning og í dagskránni sjálfri og gáfu vinnu sína í tilefni afmælisins. Áhersla var lögð á að dagskráin endurspeglaði þá miklu breidd sem er í kirkjustarfi sóknarinnar, næði til sem flestra aldurshópa og væri styrkjandi fyrir samfélagið í gleði og kærleika.

Hægt er að lesa um afmælisvikuna í Safnaðarbréfinu hér á vef Lágafellskirkju.

Myndir af atburðum vikunnar má finna hér á vef Lágafellskirkju.