Næsta Prjónasamvera verður næstkomandi fimmtudag, 4. febrúar frá 20:00 - 22:00

Þetta kvöldið leiðbeinir Gróa Karlsdóttir með rússneskt hekl, (barnateppi) Þeir sem vilja prófa, komi með heklunál og band (t.d. truntu-garn). Við hvetjum alla sem hafa áhuga að mæta og eiga gott samfélag í gleði.Léttar veitingar í boði.

Umsjónarmaður starfsins er Fjóla Haraldsdóttir djákni

Guðsþjónusta verður í Mosfellskirkju sunnudaginn 31 janúar kl. 11:00. Prestur er sr. Skírnir Garðarsson. Kirkjukór Lágafellssóknar leiðir söng í athöfninni undir stjórn organistans Jónasar Þóris. Allir velkomnir

Sunnudagaskólinn er á sínum venjulega stað í Lágafellskirkju kl. 13:00. Umsjón með honum hafa að vanda Hreiðar Örn, Jónas Þórir og Arndís Linn

Foreldramorgnar eru í Safnaðarheimili Lágafellssóknar alla mánudaga milli 10:00 og 12:00. Á hverri önn er sett saman dagskrá þar sem gert er ráð fyrir um það bil einni fræðslu á mánuði. Á þessari önn verður margt spennandi í boði. 1. febrúar kemur Berglind Björgúlfsdóttir og kynnir fyrir okkur hvernig hægt er að vinna með ungabörn og tónlist. 15. febrúar er röðin komin að Guðlaugu Magnúsdóttur en hún starfar hjá fjölskylduþjónustu þjóðkirkjunnar.

Taize guðsþjónusta verður í Lágafellskirkju sunnudaginn 24. janúar kl. 20:00. Sr. Skírnir Garðarsson þjónar fyrir altari. Kirkjukór Lágafellssóknar syngur og organisti er Jónas Þórir. Sigurður Flosason spilar á saxafón. Allir velkomnir

Messa verður í Lágafellskirkju, sunnudaginn 17. janúar kl. 11:00. Sr. Skírnir Garðarsson þjónar fyrir altari. Altarisganga. Kirkjukór Lágafellssóknar syngur. Organisti Jónas Þórir. Meðhjálpari er Rut G. Magnúsdóttir.

Sunnudagaskóli á sínum stað kl.13:00. Umsjón Hreiðar Örn og Jónas Þórir.

Safnaðarstarfið í Lágafellssókn er um það bil að hefjast aftur eftir áramót.

Sunnudagaskóli, Prjónasamverur og kristin íhugun hafa þegar hafist en barna og unglingastarf og foreldramorgnar hefjast 11. janúar. Fermingarbörnin mæta einnig í sína fyrstu tíma á nýju ári 12. janúar.

Í Lágafellssókn er bæði fjölbreytt og öflugt starf fyrir alla aldursflokka. Hægt er að kynna sér alla þætti safnaðarstarfsins hér á heimasíðunni.

Guðsþjónusta verður í Lágafellskirkju sunnudaginn 10. janúar kl. 11:00. Sr. Ragnheiður Jóndóttir þjónar fyrir altari og sr. Kristín Þórunn Tómasdóttir prédikar. Kirkjukór Lágafellssóknar syngur. Organsisti Jónas Þórir. Guðsþjónustunni verður útvarpað í Ríkisútvarpinu. Allir velkomnir