Almenn guðsþjónusta verður í Lágafellskirkju, sunnudaginn 16. maí kl. 11:00.  Vorboðarnir syngja undir stjórn Páls Helgasonar og kirkjukór Lágafellssóknar annast almennan safnaðarsöng. Organisti er Jónas Þórir og prestur sr. Ragnheiður Jónsdóttir. Allir velkomnir.

Aðalsafnaðarfundur Lágafellssóknar verður haldinn miðvikudaginn 12. maí kl. 20:00 í safnaðarheimili Lágafellssóknar að Þverholti 3. 3 hæð. Venjuleg aðalfundarstörf. Allir velkomnir.

Kirkjudagur Hestamannafélagsins Harðar verður sunnudaginn 9. maí. Hópreið verður til Guðsþjónustu í Mosfellskirkju sem hefst kl. 14:00. Í guðsþjónustunni er einnig ferming. Karlakórinn Stefnir syngur undir stjórn Gunnars Ben.  Judith Þorbergsson leikur á orgel.  Prestur sr. Skírnir Garðarsson.

Guðsþjónusta verður í Lágafellskirkju sunnudaginn, 2. maí kl. 11:00. Prestur sr. Skírnir Garðarsson.  Organisti Jónas Þórir. Í guðsþjónustunni verður barn borið til skírnar.

Prjónasamvera verður í Safnaðarheimili Lágafellssóknar Þverholti 3, fimmtudaginn 29. apríl kl. 20:00 - 22:00. Systurnar Arnleif og Aðalheiður Alfreðsdætur koma í heimsókn og kenna sértækt sjalaprjón. Léttar veitingar í boði. Umsjón hefur Fjóla Haraldsdóttir djákni.

Þá er komið að Hláturnámskeiði á Foreldramorgnum. Næstkomandi mánudag 26. apríl kemur Ásta Valdimarsdóttir hláturjógakennari og kennir hláturjóga með jákvæðu og styrkjandi ívafi. Eftir allt sem á hefur gengið í þjóðfélaginu síðustu daga veitir sjálfsagt engum af að leggja sig fram um að horfa á jákvæðu hliðarnar. Fyrir hina sem enn vilja kryfja málin til mergjar liggur Rannsóknarskýrslan frammi í Safnaðarheimilinu. Foreldramorgnar hefjast kl. 10:00

Skírnarguðsþjónusta verður í Mosfellskirkju, sunnudaginn 25. apríl kl. 11:00. Prestur sr. Ragnheiður Jónsdóttir og Organisti Jónas Þórir.